京都桃子着付室 X 品味．京都．台灣 X 染匠台北和服教室

2009年7月19日
餐廳：Hokakaido rice pizza
菜式：日式
地址：沙田新城市廣場7樓704號
電話：2602 8802
評語：（6粒為滿分）
服務態度：

（6粒為滿分）

呢間野係銅鑼灣開先o既，次次都好多人等位，所以無食到，今次係沙田唔洗等位，點知試完之後大失所望，d rice pizza一切開就散曬，而且都唔係話好好味，d沙律就苦苦地，個意粉冇咩味！

最衰係佢o既服務態度law，我地6點幾去食，個時唔係好多人，佢d野好快就離曬，食左30min到都差唔多食完，同時佢地出面都開始有人等位。點知我將最後一舊飯放入口之後，個人即刻過離收曬我d野law，使唔使咁呀！

你想做生意都唔係咁呀，人地剛剛放入口，就收曬d野，好無禮貌，出面d人又bear bear貢，好似叫你快d走，食完未阻住，大佬我都未咬完，未吞落肚，係未我要咬住啖野埋單走人呀！

太過份喇，仲衰過翡翠，翡翠係冇人離你，但人地唔會趕你走，呢間野好似唔比人食完坐下傾下計law，講真又唔係平，又唔係fast food，我入左離都冇1hr，你咁樣做，我未以後唔幫襯你law，叫埋d fd唔好去食law！

求先拎將單出離睇，我唔知佢o既入座記錄係指落order時間，定係真係入座時間，將單上面寫入座時間係18:26，埋單時間係19:06，如果佢d時間冇搞錯，即係我入左去半個鐘都冇﹖就算m記都唔會咁law！

北海道煙肉搖滾沙拉（和風芝麻醬） @45.8
我覺得呢個沙律真係不知所謂law，收成40幾蚊都唔算平，比d苦o既菜我食，有冇搞錯！仲有d汁少到死，只係夠lo上面個d，下面個d一d汁都冇！要問佢再拎。

和風蟹條帶子意粉 @$75.8
勝在帶子都幾多粒下，蟹柳又有4條比你，不過個蕃茄汁d味好啖，食得好清o既人o岩曬law。

士多啤梨鮮蝦（普通批） @$88.8
呢個就係rice pizza喇！其實佢d飯唔散出離會好d，個味道都ok，不過d士多啤梨唔知係未溶左，唔覺眼有，得幾薄細片