京都桃子着付室 X 品味．京都．台灣 X 染匠台北和服教室

大家不要以為我又去日本，事實上是2007年的事了，因為一直懶，沒有整理龐大的相片，見今日得閒就整理一下，順便加工一下d相。

時間：2007年12-16日（5天）
地點：東京、橫浜
航機：JAL
酒店：新宿華盛頓
旅費：咁耐之前，點記記得呀~

其實JAL都好迫，不過佢勝在飛機餐好味

個天空好靚，我發覺自己真係好鍾意照天空，無論去到邊度都係，只要仲見到天空，天空靚過陸地上任何野，就好似一張白紙咁，係一個未被污染的地方（不包括環境污染）

我唔明點解日本成田空港的洗手間係咁law，大佬，假假地都係國際機場，日本政府真係好執執佢，畢竟旅客搭左咁耐飛機，一落機大部份人都會光顧茅廁，而唔係睇下你地d建築有幾靚，風景有幾正！

上左一：原來禁區內係唔可以拍影，當然的係拍左先知，好彩冇比人發覺。
下左一：我去日本一定會搭京城電鐵，仲要係普通個隻wor，因為夠平！只係1000yen就可以去到日暮里，之後轉去新宿都係190yen，全程都係1190yen，當然時間要花多一點。

是我最愛的車仔檔呀，我好鍾意呢d檔仔，上次離日本搵唔到，今次終於搵到了，yeah~~

睇下老闆同老闆娘幾落力咁整麵比我地食，真係好開心！

我最鍾意的關東煮，好好味！

呢碗叉燒拉麵有6片叉燒，其實係我地叫錯左，因為有d份量少d架，我地唔識叫，所以指住其他人碗麵（個時我未學日文呀！），最終緊係食唔曬啦，我記得好似太約60-70港紙，好抵！

關東煮！關東煮！

離日本，另一樣開心的事，就是有好多即影即有相紙，而且好多款，唔洗局住用hello kitty！每次我都會買幾盒！有朋友去又叫佢地幫我買！

好體貼，有燒碟機，方便你影得多相，又帶唔夠卡，不過而家d卡咁平，買多幾張都好方便

隨處可見的香煙機