JW Marriott Hotel Marriott Cafe－京都桃子着付室 X 品味．京都．台灣 X 染匠台北和服教室

2009年3月22日（日）
餐廳：JW Marriott Hotel Marriott Cafe
菜式：自助餐
地址：JW Marriott Hotel Level 5
電話：2841 3906 or 3907
價錢：星期日$425
評語：（6粒為滿分）

期待已久的JW Marriott Buffet，因為之前有$500coupon，所以先會離食，成400幾一位wor！不過佢所有食物真係好有水準，但有個唔好處就係款式少，我曾經有問過PR點解，佢話要做得精，出面有d300幾400一位，但個食物水準唔到位，只係一味多。

我好同意佢o既講法，如果要食普通野係出面食都得啦，洗乜比400幾蚊離食！佢d海鮮超正，新鮮唔在講，仲要啖啖肉！我冇咩食過熟食wor

我地6點入席，食到9點幾走人！坐我地隔離個對日本情侶好食得，係咁食，佢雖然遲過我地半個鐘入席，不過一直食，直到我9點幾走，都仲食緊，勁！仲要係大大碟架wor，個女好食得，我見佢最少食左4、5隻龍蝦（半邊），仲食麵、好多蛋糕...嘩！但佢瘦到成條柴咁架！

另外，我發覺香港人真係好鍾意食buffet，就算而家個境咁差，依然爆滿，呢間酒店平時要早幾個月book，而家經濟唔好，個半月前都book到！

幾大隻！仲幫你拆埋殼，勁方便！好鮮味！

大家睇我食左幾多，8隻呀！我仲想食o既時候，竟然轉左龍蝦，激死人喇，我鍾意食蟹多d

呢碟唔係我o既，我show比大家睇其他海鮮，除左蟹，以上個d我都唔食

呢碟都唔係我o既，我唔食得生野架ma，最憎饅魚同青瓜

沙律有好多款式，我食左少少炸，食得太多食唔到其他野

係我最鍾意o既蘑菇湯呀，果然好好味，唔記得飲多碗添，唔係度度有得飲架！係呀，我飲湯好鍾意食飽架，就算係buffet我都會食，最衰佢冇手指條。

左上個飽中間有野架，但我食完都唔知係咩離，好似冇咩味

無錯！呢個係我食buffet o既次序，我食完第一輪想食o既野，就會食甜品，好多人問我點解唔最後先食，因為跟次序食，一離已經好飽會食唔落，二離會比人拎曬，三離會比人切到好核突，今次都係咁最尾時我見到d蛋糕比人整到好嘔心

下右一：佢個芝士蛋糕好好味wor，如果鍾意newyork chesse cake o既人一定會鍾意！