京都桃子着付室 X 品味．京都．台灣 X 染匠台北和服教室

2009年7月24日
餐廳：元氣
菜式：日式
地址：觀塘amp
評語：（6粒為滿分）
服務態度：（6粒為滿分）

一個lunch set都係$39，有咁多野食，真係好抵！

關東煮

2009年7月23日
餐廳：pokka cafe
菜式：日式
地址：旺角新世紀廣場2樓298號
電話：2628 9298
評語：（6粒為滿分）
服務態度：（6粒為滿分）

咖啡蛋包飯
都幾味，又令我諗番起日本了~

煙肉菠菜飯
個味好怪，d菠菜味比d青椒味掩蓋左，所以搞到怪怪地，煙肉十分硬

2009年7月18日
餐廳：牛陣
菜式：日式
地址：旺角始創中心B02-06（APM有分店）
電話：2625 9234
評語：（6粒為滿分）
服務態度：

（6粒為滿分）

今日本來去睇戲，點知爆場，所以就係條街度遊蕩，點知比我發現係始創開左間新野，其實本來係諗住食和民，和民對面本身係間泰國野，佢終於捱唔住了，轉左shabu shabu & sukiyaki。

我即刻眼前一亮，佢係放題離架，不過係澳洲牛，而價錢就係以湯或同牛o既質素而定，我就揀左$120 日本豉油湯底、普通牛，每人加$15任飲汽水，限時90分鐘。

我覺得都算唔錯，牛都幾好味，當然唔係話超好味個d啦，但同價錢成正比law，服務都好好，個哥哥仔成日走埋離睇下你有咩需要，唔洗叫人斟水、加水，佢見你就食曬又問你洗唔洗加牛。係呀，除左牛，佢仲有豬食，出面有個自助台比你夾蔬菜，種類都幾多。

不過好多人都食唔曬d牛，包括我自己，個一刻我覺得真係好浪費，d牛咁好味，唔好掉左佢啦，好曬，好多人都冇得食，唔好啦！下次都係叫佢比少d，雖然咁樣食好似唔抵，但係比你叫好多又點，你都食唔曬，只係浪費d食物，呢個心態好唔要得。

放題價目：

普通澳洲牛：
Gyujin Shabushabu （清湯）大人$100、小童$70
Gyujin Sukiyaki （日本豉油）大人$120、小童$90
Tei Guan Yin Shabushabu （鐵觀音）大人$120、小童$90
Soy Milk Shabushabu （豆乳）大人$120、小童$90

上級澳洲牛：
Gyujin Shabushabu （清湯）大人$140、小童$110
Gyujin Sukiyaki （日本豉油）大人$160、小童$130
Tei Guan Yin Shabushabu （鐵觀音）大人$160、小童$130
Soy Milk Shabushabu （豆乳）大人$160、小童$130

另外，我已經帶曬d史迪仔返屋企喇，yeah，你睇佢地幾開心

2009年7月12日
餐廳：Freshness Burger
菜式：日式
地址：旺角新世紀廣場1樓116-118號
電話：
評語：（6粒為滿分）
服務態度：（6粒為滿分）
是次消費：$116（2人）

其實又唔覺得話特別好食o既，不過就飽過m記好多，佢又聲稱健康d，不過佢杯橙味梳打幾好飲。

汁燒雞漢堡包 @$25 、套餐+$24
芝士牛肉漢堡包 @$33、加大套餐+$34

汁燒雞漢堡包
呢個包好得意林林地，好似南瓜包

芝士牛肉漢堡包

2009年7月11日
餐廳：Tutto Italian
菜式：意大利菜
地址：沙田新城市廣場1期shop105
電話：2694 0111
評語：（6粒為滿分）
服務態度：（6粒為滿分）
是次消費：$222（2人）

未試過呢間野，今次試下先，都算不過不失law，又唔可以話好好味，但又唔係難食，但我覺得d意大利飯mama地law，兩日都食左d mama地o既意大利飯，不如我去學下煮意大利飯。

本來諗住試下個意大利麵pizza，因為見佢咁奇怪，不過賣曬law！

龍蝦湯 Lobster Bisque @$42
味道夠濃，如果龍蝦湯唔夠濃真係好難飲，同埋都ok有龍蝦味，又係個句幾廿蚊，唔好期望人地比隻大龍蝦你食！

海鮮意大利飯 Risotto seafood @85
d意大利飯太希了，好似煮瀾左咁，咁o既意大利飯真係唔太好食law！

肉醬千層麵 Lasagne @75
呢個好好味，唔會太酸，而且d芝士唔算太漏。

2009年7月10日
餐廳：Cafe Zambra
菜式：意大利菜
地址：灣仔謝菲道239號地下
電話：2598 1322
評語：（6粒為滿分）
服務態度：（6粒為滿分）
是次消費：$518（4人）

同幾位好姐妹出去食飯，我覺得諗成咩真係好煩law，有時又驚自己搵o既餐廳唔好食wor！今次係小鳳推介的，之前佢食過，話又full又抵食！

平日都唔太多人，星期五就最好book左位，好似我地今日都係幸好有位，因為上層有人包左場，得番地下個層，都係得10幾張台到（2人、4人台）。

其實我都覺得幾抵，因為dinner 只係$118，有好多野食，最重要係有cake，一件caker都要30蚊啦，仲唔抵番曬！

$118，不用加一
前菜：湯 / 沙律
主菜：紐西蘭牛肉配沙津、魚柳意大利飯（sorry，我唔記得影低個menu，佢仲有好多選擇架，好似有羊之類）
飲品：咖啡或茶，朱古力及特別飲品加$10，沙冰加$12
自選甜品

蕃茄湯

這是二人份量，每人好像有3-4件，真係食包都食飽，但係佢d包又好好味wor，所以我都有食曬，我都係第一次飲湯送呢d包。

魚柳意大利飯
呢個係我選的！先唔好講d飯，個魚真係好好味，d汁好特別，好似有d香草、忌廉的，魚又唔腥，好滑，仲有4件咁多，到最後我都食唔曬！

個飯真係差左少少law，又係希希地，好似煮得耐得滯，發左水咁，唔知大家有冇食過意大利飯，個感覺應該係好實在，不過呢有d過左火位。

紐西蘭牛肉配沙律
佢地3個都係揀呢個，都係7成熟，不過當然係熟少少啦，因為我唔食生野所以冇試，佢地話好好味law，同埋唔un。

呢個係上面個配菜，我真係想據為己有law！佢係薯仔片離架，一層薯仔片一層忌廉（醬汁個隻），真係好考功夫同耐性，好有心機！同埋個表面好得意，好似焗麵包咁，唔講你可能真係好為係麵包離架！ 

士多啤梨芝士餅
呢個係我選的。我覺得個芝士餅太cream，佢應該係加左d雲呢拿子（唔記得邊個子）落去，有d甜甜地、cream感重d，可能我都係偏愛new york cheese cake，不過小鳳就好鍾意呢個了，最後我同佢交換左。

出奇地個士多啤梨竟然唔酸law！面頭d 醬都唔酸，甜甜地，白色o既係白朱古力離o既，其實都好好味，但我唔太愛creamy的cake。

New York Cheese Cake
都好真材實料！硬硬地，有d new york cheese cake好creamy，個d絕對唔合格！呢件一d都唔creamy，相反我覺得可以再食law！

不知叫咩名
層cream好得意，平時d cream都會希希地，但佢有d硬度，唔會好流質，不過都係個句，我唔太好cream的甜品

朱古力cake
呢個好夠朱古力味呀，好甜，正呀！咁先係朱古力cake，不過小仲好似唔係太欣賞，佢覺得太甜，但我就覺得甜先係朱古力蛋糕！